Filmoj kun mi

Mi partoprenis kelkajn kinofilmojn kaj televidajn filmoseriojn. Ĉi tie estas informoj pri plejmulto el ili. La menciitaj jaroj estas ne jaroj de publikigo sed jaroj kiam mi estis filmita. Mi mencias ĉi tie nur la aktorojn kaj aktorinojn partoprenintajn la samajn scenojn kiel mi.

2000

Resurekto

Italio, Francio, Germanio kaj Rusio; laŭ la samnoma romano de Lev Tolstoj. Reĝisoris Paolo kaj Vittorio Taviani. Filmado estis en Petropaŭla fortikaĵo en Sankt-Peterburgo, Rusio.

Gladiatrix (The Arena)

Usono kaj Rusio. Verkis John William Corrington, reĝisoris Timur Bekmambetov. Rolis Viktor Verĵbickij, Anatolij Mambetov, Aleksej Osipov, Julija Ĉiĉerina, Karen McDougal, Lisa Dergan kaj aliaj. Eventoj de la filmo okazas ĉe unu el la periferioj de la Romia Imperio. Filmado estis en la Leningrada Provinco, proksime al Zelenogorsk (eksa Terijoki).

Imperio sub atako

Rusio; labortitolo estis «Historio de teroro en Rusio».

Rusaj hororaĵoj: Mortvilaĝo kaj ĝiaj loĝantoj

Rusio. Verkis Jurij Mamin kaj Vladimir Vardunas, reĝisoris Jurij Mamin. Rolis Julija Belousova, Miĥail Silantjev, Jurij Galcev, Katerina Ksenjeva, Irina Rakŝina, Valerij Kriŝtapenko (voĉigis Sergej Parŝin), Georgij Ŝtil, Kira Krejlis-Petrova, Miĥail Guro, Leonid Tiĥomirov, Vladimir Akimov kaj aliaj.

2001

Agento pri nacia sekureco: Tria sezono: Kaptilo

Rusio. Verkis Igor Agejev kaj Vladimir Vardunas, reĝisoris Dmitrij Svetozarov. Rolis Miĥail Poreĉenkov, Artur Vaĥa, Vladimir Akimov, Dmitrij Ŝamkov kaj aliaj.

Leteroj al Elza

Rusio; labortitolo estis «Balado pri papilio». Verkis Arkadij Visockij, reĝisoris Igor Maslennikov. Rolis Alla Demidova, Mykola Heyko (voĉigis Sergej Garmaŝ), Julija Mavrina kaj aliaj. Aranĝita per la kanto «Mi fartas bone» laŭ versaĵo de Vladimir Visockij.

2002

Rusaj hororaĵoj: Najlo de la spektaklo

Rusio. Verkis Jurij Mamin kaj Vladimir Vardunas, reĝisoris Jurij Mamin. Rolis Viktorija Ŝljadinskaja, Katerina Ksenjeva, Aleksandr Bodin kaj aliaj.

Malbona kutimo

Rusio. Verkis Andrej Samsonov kaj Sergej Sergejev, reĝisoris Andrej Maljukov.

2003

Kompatinda, kompatinda Paŭlo

Rusio; bazita sur la teatraĵo de Dmitrij Mereĵkovskij «Paŭlo I», reĝisoris Vjaĉeslav Melnikov.

Sekretoj de krimesplorado: Tria sezono: Garantiuloj

Rusio. Verkis Jelena Topilskaja, reĝisoris Aleksandr Burcev. Rolis Anna Kovalĉuk, Sergej Bariŝev, Oleg Mendelson kaj aliaj.

Specnazo rusmaniere

Rusio. Reĝisoris Stanislav Marejev.

Ragin

Rusio kaj Aŭstrio; labortitolo estis «Historio de unu malsano», bazita sur la novelo de Anton Ĉeĥov «Hospitalĉambro N. 6». Reĝisoris Kirill Serebrennikov. Rolis Svetlana Obidina, Julian Weigend kaj aliaj.

2004

Perdintaj sunon

Rusio. Reĝisoris Vjaĉeslav Sorokin. Rolis Aleksandr Domogarov kaj aliaj.

Dek minutoj piede

Rusio. Verkis kaj reĝisoris Valerij Ibragimov. Rolis Aleksej Nilov kaj aliaj.


ĈefpaĝoKontaktojPagmanieroj

EnglishРусскийGopher-versioDiskonigu